ياسر حسن || Yasser Hassan | Telegram Webview: ysrhs/1150 -

دَوم اعله باب الزهراء مشبوحه عيني
بيهه التِمسّك ما خاب ثابـت يقـيـنــي
مِنهه المَدَد والتوفيـق لآخــر سنيـنــي
مَدد يازهراء مدد .. مَدد يازهراء مدد
••••• ••••• ••••• ••••• ••••• •••••
نظراتي هايمه ابابچ يفاطمه
ضاعن وما لَمهن وطن ،، اتخيلت اِلچ باب وصحن
وبعتبتچ حنيت ظهري وعشگ بچيت
دمعات شوگي تفايضن ،، مشتاگ ازورچ يم حسن
ابعيني ارسمتلچ باب بس مو حقد مدفوع
وما بيه بسمار وثگل من ذيچ الجذوع
ولا رضرض المحسن وكسّر منچ ضلوع

يا ملجأ المعصومين بسمچ مددهم
يالزهره يَمنه يصيحون تِنحل شددهم
وآنه ارد احلفچ بحسين لا تتركيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
من ايضيگ هـ المَلَه واتعنّه كربله
بجروحي المتراكمه ،، الحسين احلفه بفاطمه
ميردني ابو علي يرد صدري ممتلي
فرحه وسعاده وغانمه ،، لو حاجتي بگد السمه
من ١٣ معصوم اذا رايدلي نظره
بنظره وحيده من لطف فاطمه الزهره
توفقني ومن كل ذنب گلبي تطهره

هاي الذي رب الكون يرضه الرضاهه
خادمهه تحسبني وهاي الروحي مناهه
افديهه نفسي والمال واهلي وبنيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
موعدنه بالحشر بيدچ نهي وأمر
الوالاچ للجنه يمر ،، وبالنار خصمچ يستقر
اليمچ حچه (وإن) باچر يظل يوِن
ولحالته عيوني تگُر ،، واضحك من يلسعه الجمُر
شيوخ السقيفه توگف بذِل واستكانه
اول صنم ثاني صنم يشبع مهانه
نلعنهم وكون لفدك يوصل ندانه

بالجنه كون احنه نعيش فرحة الزهره
وقاتلهه والراضي اعليه باچر نقهره
بولايتچ لا ما خاف اكتابي بيميني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
يا فاطمه رجاء وبكل عزه دعاء
بكل دمعه تجري الـ لوعتچ ،، من النار فطمي شيعتچ
بحگ ضلع الانهشَم سجلينه بالخَدَم
ويخلص عمرنه بطاعتچ ،، ونرخص دمعنه لدمعتچ
خل نحضر بكل تعزيه وياچ وانّوح
ثبتينه عالخدمه لحد ما تطلع الروح
لآخر نفس وياچ نصرخ آه يمذبوح

حسن العواقب وياچ ومنچ نريده
ما ننسه يوم العطشان الحزّو وريده
حسن العواقب ميهيد نوحي وونيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
بيوم الحشر تجين من الباري تطلبين
شوفة حسين بها الوضع ،، وثوبه بچفوفچ ينرفع
متگطع وخضيب تنظريله بالنحيب
يوگف وراسه منگطع ،، وبصدره للحافر طبع
تشوفينه وتلطمين ضلعچ يالحزينه
تنصبين بالمحشر عزه الگطعو وتينه
تصيحين ويلي ابني بسيوف مگطعينه

مأتم حبيب الزهراء بيوم القيامه
تشكي الظلامه الما صار منهه ظلامه
وهنياله اليعيش هناك مجلس حسيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••

ياسر حسن
ربيع الثاني ¹⁴⁴⁵

www.tg-me.com/pl/ياسر حسن || Yasser Hassan/com.ysrhs/1150

1.6K viewsOct 30, 2023 at 20:53

tg-me.com/ysrhs/1150

Create: 2023-10-30
Last Update: 2024-06-21 12:10:18

BY ياسر حسن || Yasser Hassan

Share with your friend now:
tg-me.com/ysrhs/1150

Open in Telegram

ياسر حسن || Yasser Hassan Telegram | DID YOU KNOW?

Date: 2024-06-21| ياسر حسن || Yasser Hassan

The S&P 500 slumped 1.8% on Monday and Tuesday, thanks to China Evergrande, the Chinese property company that looks like it is ready to default on its more-than $300 billion in debt. Cries of the next Lehman Brothers—or maybe the next Silverado?—echoed through the canyons of Wall Street as investors prepared for the worst.

ياسر حسن || Yasser Hassan from pl

Telegram ياسر حسن || Yasser Hassan
FROM USA